Khalifa Bin Hamad Al-Thani, që konfirmoi transferimin e Messit në PSG, ka postuar një fotografi të Ronaldos në fanellën e Paris Saint-Germain me mbishkrimin “Ndoshta”.
Ai është anëtari i familjes Al-Thani që ka në pronësi PSG-në.
Kur Messi ishte lojtar i lire dhe Barcelona njoftoi se s’do të vazhdonte bashkëpunimin me të, Al-Thani rregullisht postonte në profilin e tij në Twitter duke siguruar se e ardhmja e argjentinasit do të jetë në PSG.
Sot, teksa ka raportime të shumta që Ronaldo po e dëshiron largimin nga Juventusi, ideja për t’iu bashkuar PSG-së ende është e gjallë.
Tani Al-Thani i ka ndezur ato flakë duke postuar një imazh të Messit dhe Ronaldos që qëndrojnë krah për krah, të dy të veshur me fanellat e Paris Saint-Germain.
“Ndoshta?” ishte mbishkrimi i vetëm, i shkruar në tri gjuhë të ndryshme.
