Një lajm i bujshëm është duke qarkulluar së fundmi! Sipas “L’Equipe”, Antuan Grizman, do të largohet nga Barcelona për t’u rikthyer te Atletiko e Madrid. Gazeta franceze raporton se bëhet fjalë për një huazim me të drejtë blerje, që mund të konkretizohet në ditët në vijim.
Transferimi i mundshëm i Saul Niguez te Çelsi, do t’i hapte rrugën rikthimit të Grizmanit në Madrid. Ylli francez, është një dëshirë e trajnerit Simeone, teksa pritet të formojë dyshen e sulmit me Suarezin. Në orët në vijim pritet të vijë dhe zyrtarizimi.
Për momentin opsioni kryeson për zëvendësuesin e Gruzmanit në rast largimi është holandezi Luk De Jong, ndërkohë ekziston edhe një hipotezë e çmendur për shkëmbinin e francezit me Zhoa Feliks.
