Bayern Munich kërkonte fitoren e parë të sezonit këtë të diel kundër Këlnit, pas barazimit ndaj Borussia Monchengladbach (1-1) në javën e parë të Bundesligës.
Ndeshja nisi me ritëm të ulët, edhe pse Bayern u shfaq më dominues. Mundësia e artë erdhi në minutën e 23-të, por Sule ishte i pafat, pasi portieri kundërshtar ishte mjaft vigjilent në goditjen e tij. Ishte gjithashtu goditja e vetme drejt portës në pjesën e parë.
Na u desh të prisnim pjesën e dytë për të parë që rezultati të ndryshonte. I futur në fushë në pjesën e dytë në vend të Sane, Musiala eliminoi kundërshtarin e tij me një kalim të bukur para se t’i shërbente Lewandowski-t, i cili shënoi golin e tij të dytë të sezonit (1-0, 50).
Bavarezët nuk u ndalën, teksa 9 minuta më vonë dyfishuan rezultatin me anë të Gnabry-t(2-0, 59). Por, Këln nuk u dorëzua dhe ngushtoi shifrat vetëm një minutë më vonë me anë të Modeste-s (2-1, 60). Tre minuta më vonë, Bayern ndëshkohet sërish dhe Këln vendosi baraspeshën pas golit të Uth (2-2, 63). Bavarezët rifituan avantazhin, falë golit të shënuar nga Gnabry, i cili shënoi të dytin personal(3-2, 71).
