Lionel Messi nuk do të luaj më për Barcelonën. Largimi i “pleshtit” u zyrtarizua disa ditë më parë, ndërsa tanimë, po pritet se cila do të jetë ekipi i tij i radhës, me Paris Saint Germain që qëndron në kryet ë listës për të siguruar shërbimet e 6 herë fituesit e topit të artë. për këtë largim, ka reaguar dhe trajneri i “blaugranave”, Ronald Koeman.
Tekniku holandez shkruan në “Twitter”, se është ende e vështirë që të kuptosh që Messi nuk do të luaj më për Barcelonën. Ndërsa ka shtuar se e ka shijuar tej mase sezonin që kanë punuar së bashku.
“Është ende e vështirë ta kuptosh që nuk do të luash më për Barcelonën. Faleminderit për gjithçka që keni bërë për klubin tonë Leo. Me të vërtetë e shijova sezonin e plotë që punuam së bashku. Jam i impresionuar me etikën tuaj të punës dhe dëshirën për të fituar”, shkroi Koeman.
