Isko Alakron është prej kohësh në radarët e Milanit dhe po shikohet si zëvendësues i Hakan Çalhanoglusë, që kaloi te kushërinjtë rivalë.
Janë pikërisht këta të fundit që pasi transferuan turkun me parametra zero, po kërkojnë t’u prishin punë kuqezinjve duke u futur në garë për mesfushorin spanjoll.
Talenti nga Malaga ka një kontratë që i skadon në qershor të vitit të ardhshëm me Realin e Madridit dhe kur nuk ka bindur ende trajnerin Karlo Ançeloti, mund të lëvizë nga kryeqyteti në kërkim të një destinacioni të ri.
Siç raportojnë mediat spanjolle, klubet e Milanos janë më të interesuarat për futbollistin dhe me largimin e Lukakut, Marota po mendon të konkurrojë Maldinin për afrimin e 29-vjeçarit.
Ende nuk dihet vullneti i spanjollit, por zërat po e çojnë detyrimisht në njërën prej skuadrave milaneze dhe interesi i shtuar i Interit, është gati të nisë derbin mes tyre edhe në plan transferimesh.
