Tomas Strakosha është një prej yjeve të Serisë A, që Lacio rrezikon ta humbasë me parametër zero. Portieri i Kombëtares nuk ka gjetur ende akordin me bardhekaltrit.
Kësisoj, ai bëhet pjesë e formacionit të yjeve, të cilët rrezikojnë të largohen me zero në përfundim të sezonit 2021-2022. Marash Kumbulla shënohet si lojtar në përfundim të kontratës në fund të vitit 2022, njësoj si edhe Kieza.
Kjo, për faktin se në verën e vitit 2022, Romës i përfundon formula e huazimit nga Verona dhe më pas përfshihet klauzola e blerjes së kartonit të mbrojtësit.
Njësoj edhe situata me sulmuesin e bardhezinjve, i cili duhet të blihet duke qenë se në fund të sezonit të saponisur i përfundon klauzola e huazimit nga Fiorentina.
