Samir Handanoviç tregoi në ndeshjen e fundit të Interit se nuk është më një siguri mes shtyllave duke qenë fajtori kryesor në golin e shënuar nga Verona.
Kur ka një kontratë që skadon në fund të vitit të ardhshëm, pozicioni i tij si titullar nuk është më i sigurt dhe shikimi për zëvendësuesin vazhdon të drejtohet nga Holanda, aty ku Andre Onana ngelet i pari në listën e preferencave të drejtuesve të Interit.
Kamerunasit i mbaron kontrata në 2022 dhe Marota përveç besimit te aftësitë e 25-vjeçarit, po shfrytëzon mundësinë për ta transferuar me parametër zero.
Akordi verbal mes palëve që ka acaruar Ajaksin, nuk u konkretizua dot në një parakontratë me portierin, por Interi nuk ka hequr dorë dhe vazhdon të monitorojë situatën e Onanas që ka shprehur dëshirën për transferimin në Milano.
