Ish-presidenti i Inter-it, Massimo Moratti, ka folur për Radio Kiss Kiss në lidhje me transferimin e mundshëm të Romelu Lukaku-t te Chelsea, por edhe për lamtumirën e papitur të Lionel Messi-t nga Barcelona.
“Besoj se domosdoshmëria për të mbushur arkat e shtyn klubi të shesë, por në aspektin e skuadrës shpresoj që të mbetet cilësorë”, ka thënë Moratti.
“Nuk e njoh situatën ekonomike të Inter-it dhe nuk mund të shprehem. Në futboll gjërat nuk shkonin mirë që më parë, më pas Covid i ka përkeqësuar akoma më shumë. Gjithçka vjen nga kriza botërore me pandeminë, duhet rishikuar i gjithë sistemi”.
Nuk mund të mungonte një koment edhe për largimin e Messi-t nga Barcelona:
“Në kohën time, nëse do të ishte paraqitur mundësia, do të kisha bërë gjithçka ishte e mundur për ta marrë”, ka pranuar Moratti.