Të gjithë presin zyrtarizimin e kalimit të Romelu Lukakut te Chelsea dhe firmën mbi kontratën e re, ndërsa sulmuesi belg ka firmosur një tjetër kontratë…
Ai ndodhet në Montecarlo por sonte në mbrëmje do të fluturojë drejt Londrës dhe nesër në mëngjes mund të jetë radha e vizitave mjekësore te blutë që luajnë gjithashtu finalen e Superkupës në Irlandën e Veriut ndaj Villareal.
28-vjeçari ka vendosur të zgjasë bashkëpunimin me agjentin e tij, Federico Pastorello. Ky i fundit ka bërë publik akordin me anë të një postimi në Instagram.
“Krenar të njoftoj zgjatjen e kontratës së përfaqësimit të Romelu Lukakut. Përsëri së bashku deri në 2023! Ti je mbreti im“, shkruan agjenti italian në foto me kampionin e Italisë, që u shit nga Interi te Chelsea për 115 mln euro.