Talenti i Kombëtares shqiptare, Armando Broja, u prezantua ditën e sotme te skuadra e Sauthemptonit në Premier Ligë, teksa do të jetë pjesë e “shenjtorëve” për 1 sezon, si i huazuar nga Çelsi. 19-vjeçari ka marrë elozhet nga trajneri Ralf Hasenhutl, në prezantimin e tij te Sauthemptoni.
Tekniku 54-vjeçar nga Austria, vlerësoi maksimalisht sulmuesin shqiptar, teksa në një prononcim për faqen zyrtare të klubit deklaroi:
“Armando Broja është shumë i talentuar dhe na impresionoi në sezonin e fundit. Është i ri, por vjen me eksperiencë të madhe në futboll. Na sjell shumë kualitete që do të na ndihmojnë.
Është lojtar i fuqishëm, me instik të mirë dhe i përshtatet skemës tonë. Unë e di se sa i vlerësuar është nga Çelsi, por ky do të jetë vend i mirë për të që të rritet”, u shpreh Hasenhutl.
