Nuk ka aventurë të re të paktën për momentin për Granit Xhakën në këtë sesion të merkatos verore. Mesfushori me origjinë shqiptare ka rinovuar kontratën e tij me Arsenalin nga ku do të vijojë ende bashkëpunimin me skuadrën e “topçinjve” të Londrës.
Këtë lajm e ka bërë publike vetë klubi i Arsenalit me anë të një interviste të lançuar nga vetë Xhaka ku shprehet i lumtur që do të vazhdojë ende karrierën në Londër me fanellën e Arsenalit:
“Jam shumë i lumtur që jam ende këtu. Kam firmosur një kontratë të re me Arsenalin dhe dëshiroj që të rikthej besimin e klubit dhe tifozëve. Ata e dinë që kam dhënë dhe do të jap gjithçka në çdo ndeshje dhe stërvitje.”, tha Xhaka.
28-vjeçari ishte i shumë kërkuar nga Roma e Zhoze Murinjos, por mesa duket vetë Xhaka ka bërë hapa prapa për të luajtur sërish me Arsenalin.