Është mbyllur në barazim 1-1, sfida mes Kosovës dhe Greqisë e vlefshme për kualifikueset e Botërorit. Grekët kaluan të parët në avantazh me anë të Duvikas në fundin e pjesës së parë, ndërkohë që Vedat Muriqi shpëtoi dardanët me golin e realizuar në minutën e fundit të ndeshjes.
Sulmuesi i Lacios, u tregua i saktë me kokë brenda zonës, duke i dhuruar 1 pikë të artë skuadrës së Shaland. Ky takim ishte i vlefshëm për grupin B ku bëjnë pjesë edhe Spanja, Suedia dhe Gjeorgjia. Me këtë barazim Kosova u ngjit në kuotën e 4 pikëve, duke mbajtur përkohësisht vendin e tretë.