Portugalia ka mposhtur 0-3 Azerbajxhanin në kuadër të sfidave eliminatore të Botërorit ‘’Katar 2022’’.
Ishte një ndeshje pa shumë histori ku luzitanët gjetën avantazhit e dyfishtë që në pjesën e parë me anë të Bernardo Silvës dhe Andre Silvës.
Edhe pjesa e dytë foli për Portugalinë, teksa rezultatin e vulosi sulmuesi i Liverpulit Diogo Zhota në minutën e 75-të të takimit.
Portugezët shkëlqejnë dhe pa Ronaldon dhe marrin kreun e Grupit A ku kanë grumbulluar 13 pikë pas 5 ndeshjesh.
Ndërkohë Azerbajxhani i De Biasit renditet në vendin e fundit në grup duke grumbulluar vetëm 1 pikë në 5 takime.
