Roni Brunsvijk ka qenë personazhi i kësaj mesjave në futbollin ndërkombëtar. Pamjet e zëvendëspresidentit të Surinamit teksa debutonte 60-vjeçar si kapiten në ndeshjen e Ligës së Kampioneve të Amerikës së Veriut, kanë vërë xhiron e rrjetit.
Ai është pronar i skuadrës së Inter MT të vendit të tij dhe kur kjo e fundit u ndesh me Olimpia të Hondurasit, ai nuk i rezistoi tundimit për të zbritur vetë në fushë, edhe pse “loja” e tij ishte kryesisht pak hapa në mes të fushës për rreth një orë. Aq sa i mjaftuan për t’u bërë rekordmen për ndeshjet ndërkombëtare në klube në gjithë botën.
Brunsvijk është dënuar në mungesë në Holandë për trafik ndërkombëtar droge dhe është në listën e kuqe të Interpolit. Por në vendin e tij ai është shumë popullor edhe për faktin se falë aktiviteteve të tij të jashtëligjshme, siguronte para të cilat shpesh ua shpërndante njerëzve në rrugë, me raste edhe duke ua hedhur me helikopter.
Pas sfidës së mbrëmshme, ai ka bërë të njëjtën gjë me lojtarët kundërshtarë. Ai ka hyrë në dhomat e zhveshjeve ku është filmuar duke u shpërndarë lojtarëve miq kartëmonedha para se të largoheshin nga vendi i tij. Një “falënderim” i veçantë, pas humbjes 6-0 që skuadra mike i shkaktoi skuadrës së Brunsvijk.
#AméricaDeportes
Un video que circula en redes muestra el momento en que Ronnie Brunswijk, vicepresidente de Surinam, jugador y presidente del club Inter MT entró al camerino de Olimpia minutos después de terminado el encuentro entre ambos equipos y comenzó a repartir a dinero. pic.twitter.com/kB2HF9Qvxn— Radio América HN (@radioamericahn) September 22, 2021