Edhe pse barazuan 2-2 në mënyrë dramatike në “Giuseppe Meazza” ndaj Atalantës, pasditen e djeshme Interi dhe Edin Xheko kanë arritur një rekord.
Sipas asaj që raporton faqja e njohur e statistikave “OPTA Paolo”, në shekullin e 21-të, vetëm dy lojtarë në debutim kanë shënuar 5 gola në 6 ndeshjet e para të kampionatit me fanellën e Interit, Diego Milito në sezonin 2009/2010 ose siç njihet ndryshe nga tifozët zikaltër si viti i tripletës legjendare, dhe Edin Xheko në sezonin aktual 2021/2022.
Duket se Edin Xheko është ambjentuar më së miri me skuadrën e Interit teksa ka qenë deçiziv me golat dhe asistet e tij deri më tani.
