Barcelona e ka seriozish për mesfushorin e Manchester United, Paul Pogba.
Sipas Sport, Barça ka nisur kontaktet me Mino Raiola për kampionin e botës, i cili do të jetë i lirë të arrijë një marrëveshje me një ekip tjetër nga 1 janari, për shkak se kontrata e tij aktuale skadon në fund të sezonit.
Edhe pse Raiola ka folur për një kthim të Pogba tek Juventus, Barcelona duket se është një kandidate serioze tani.
Mesfushori, gjithsesi, do të duhet të pranojë një ulje të ndjeshme të rrogës për të pranuar një transferim te katalanasit.
Barça shpreson që Pogba të bindet nga mundësia për të luajtur në Camp Nou.