Trajneri i Atletico Madrid, Diego Simeone, ka folur në konferencë për shtyp në prag të ndeshjes së kampionatit kundër Alaves.
“Pres më shumë nga Griezmann dhe nga të gjithë lojtarët e mi, ashtu si ata presin gjithmonë më shumë nga ne. Kjo është e vetmja mënyrë për t’u përmirësuar”, ka thënë trajneri argjentinas.
“Alaves? Na pret një ndeshje e vështirë, kundër një rivali që është rritur shumë. Nuk duhet ta nënvlerësojmë. Llorente? Nuk më shqetëson se lodhet duke luajtur në një pozicion që nuk është i tiji (mesfushor qendre)”.
Atletico ndodhet aktualisht në vendin e dytë në renditje me 14 pikë, 2 larg kryesuesve të Real Madrid.
