Milan rrezikon ta humbasë Franck Kessie me kosto zero.
Mes lojtarit dhe klubi nuk është arritur akoma marrëveshje për rinovimin e kontratës që skadon verën e ardhshme dhe nga kjo situatë mund të përfitojnë dy klube angleze.
Sipas Sport Mediaset, në fakt, Tottenham dhe Chelsea janë të gatshëm t’i ofrojnë afrikanit 7/8 milionë euro rrogë në sezon pa përfshirë bonuset.
Milan, nga ana tjetër, është ndalur në 7 milionë euro duke përfshirë bonuset.
Një diferencë kjo që mund të rezultojë vendimtare dhe që vë në rrezik të ardhmen e mesfushorit me kuqezinjtë.
