Fabio Cannavaro ka folur për Napoli-n në një intervistë të dhënë për Sky Sport.
Për Zambo Anguissa: “Është një lojtar që po tregon një vlerë të pabesueshme. Duke parë si ka shkuar operacioni ka qenë një marrëveshje e madhe. Për një mbrojtësi është një gjë shumë e mirë të ketë një shok skuadre të tillë përpara”, ka thënë kampioni i botës.
“Si mbulohet një lojtar si Osimhen? Me mua nuk do të kishte prekur top, do të kishte dalë nga fusha i mërzitur”, ka thënë ish-mbrojtësi duke qeshur.
“Po tregon cilësi shumë të mëdha. Këta dy lojtarë po bëjnë diferencën për Napoli-n”.
Në lidhje me Insigne-n: “Duhet të bëjë vlerësimet e tij sepse kështu është e drejtë. Fakti që është tifoz dhe kapiten do të bëjë diferencën. Në fund do të gjejë zgjedhjen e duhur për të kënaqur tifozët që besojnë shumë tek ai”.
