Firma formale mbi kontratë, rikthimi zyrtar në “Old Traford” dhe menjëherë në dispozicion të trajnerin Solskjaer. C.Ronaldo nuk humbet asnjë minutë kohë, prej dy ditësh ka nisur stërvitjen me “djajtë e kuq” për të qenë gati për sfidën kundër Newcastle, në program këtë të shtunë.
Në video e bërë publike nga faqja zyrtare e Man.United, C.Ronldo shihet i vetëm në “pallatin e ëndrrave” duke u mjaftuar vetëm me një fjalë: “Jam në shtëpi”. Interesimi nga ana e tifozëve për të parë sërish CR7 në fushë është shumë i madh, aq më tepër që portugezi ka shumë uri për të fituar gjithçka:
“Nuk jam këtu për pushime, por për të fituar akoma. Ka qenë diçka e bukur të fitoja këtu trofe të rëndësishëm vite më parë por jam kthyer sërish për të fituar akoma. Jam gati, unë dhe shokët e mi. Jam gati dhe i bindur se 3-4 vitet e ardhshme do të ndodhin gjëra të rëndësishme”, u shpreh Ronaldo për faqen zyrtare të klubit.
