Për Juven dita e sotme është e veçantë pasi është 10-vjetori i stadiumit ‘Alianz Stadium’.
Impianti i ri hapej në shtator të vitit 2011 duke shkruar një faqe të re në historinë e klubit. Edhe pse me kapacitet deri në 40 mijë vende, ‘Alianz’ i ka sjellë fitime kolosale bardhezinjve, ku në 10 vite Juve ka arkëtuar plot 506.7 milionë euro fitim që i bie 11.9% të ardhurave totale të klubit.
Një shumë jo e vogël kjo për Juventusin e cila në 9 vitet e fundit deri në 2020 dominoi tërësisht në Itali duke u shpallur 9 herë kampione radhazi.
Para se të hapej stadiumi i ri, Juvja do të fitonte vetëm 11.9 milionë euro në sezonin 2010-2011, ndërsa rekordi i fitimeve mbahet në sezonin 2018-2019 me 83 milionë euro të arkëtuara, vit ky që përkon me ardhjen e Ronaldos në Torino 3 vite më parë.