Një situatë kaotike dhe e paprecedentë, u regjistrua në minutën e 6-të të supersfidës Brazil-Argjentin. Autoritetet shëndetësore të Brazilit, u futën në fushë dhe nuk lejuan zhvillimin e kësaj përballjeje të vlefshme për kualifikueset e Botërorit. Shkak u bënë 4 futbollistë të Argjentinës që kishin shkelur rregullat anti-COVID, teksa autoritetet kërkuan deportimin e futbollistëve për shkelje të protokollove.
Skuadra argjentinase ishte larguar në dhomën e zhveshjes dhe papritmas Mesi u shfaq përsëri në fushë, “Pleshti” kishte veshur një jelek fotografi dhe pa fanelle, ndërkohë që u kap nga kamerat duke qeshur nën shoqërinë e Dani Alveshit.
Atje, së bashku me Skaloni, ai filloi të fliste me Nejmar dhe Titen dhe buzët e tij u lexuan shpejt: “Po largohemi”.
Ai ishte ballë për ballë me përfaqësuesen e Anvisa de San Pablo (Agjencia Kombëtare e Mbikëqyrjes së Shëndetit ne Brazil) dhe kërkoi arsyen pse ata hynë pas pesë minutash për të ndërprerë lojën. Pse? Mesi u ankua, duke thënë: “Ne kemi qenë këtu për tre ditë, ata na prisnin. Ata paralajmëruan dhe kaq”, deklaroi Mesi.
Messi, sin camiseta, sale junto a Dani Alves tras suspenderse el Brasil-Argentina pic.twitter.com/EowHlWO3XJ
— ElHuffPost Deportes (@HuffPostDeporte) September 5, 2021
