Ish-mbrojtësi i Manchester United, Rio Ferdinand, ka kritikuar qëndrimin që ka patur Cristiano Ronaldo në stol gjatë ndeshjes së Champions League kundër Young Boys:
“Nëse do të isha trajneri, duhet të them të drejtën, do t’i thoja të ulej. E kuptoj që njerëzit mendojnë se Cristiano ka shumë pasion kur sillet kështu, se do të fitojë dhe nuk arrin të përmbahet kur shikon se skuadra është në vështirësi”, ka thënë Ferdinand për BT Sport.
“Megjithatë, nuk shkon që ai të ngrihet dhe të qëndrojë në krah të trajnerit duke i dhënë udhëzime lojtarëve”.
