Ndeshjet Live Sport

LIVE/ Superiore: Mbyllet ndeshja Skënderbeu-Partizani. Rezultati 1-1

Luhet në stadiumin “Skënderbeu”, sfida Skënderbeu-Partizani, e vlefshme për javën e dytë të edicionit të ri futbollistik 2021/2022 të Kategorisë Superiore.

Si Skënderbeu po ashtu edhe Partizani vijnë në këtë takim pas humbjeve në javën e parë të Kategorisë Superiore, respektivisht ndaj Tiranës dhe Teutës. Pritet që kjo ndeshje të jetë e luftuar nga të dyja krahët me objektivin për të marrë tre pikët e parë në këtë edicion të ri në elitën e futbollit shqiptar.

 

LIVE/ Skënderbeu – Partizani  1-1

57’ Berisha / 56’ (p) ZHunior

MINUTË PAS MINUTE

78’ Aksion perfekt i Partizanit me një harkim të Markut në shtyllën e dytë nga e djathta, gjuajtja me kokë e Stenio Zhunior largohet nga Rexhepi.

74’ Kardoso driblon dy kundërshtarë dhe në vijën e zonës së rreptësisë lëshon një gjuajtje të fortë, shumë lart mbi traversë.

73’ Goditje dënimi e ekzekutuar me skemë nga të kuqtë, Zhunior ul topin për Markun i cili gjuan nga pak hapa larg portës, por dërgon sferën jashtë.

71’ E gjithë loja është zhvendosur para zonës së Skënderbeut , i cili mbrohet me forca të shumta.

66’ Lëviz edhe Daja, duke aktivizuar Malën në vend të Muratajt për minutat e mbetura të ndeshjes.

57’ GOOOL Skënderbeu, shënon Elvi Berisha. Skënderbeu nis topin nga qendra me një pasim të gjatë drejt zonës kundërshtare, Damçevski dhe Hoxha nuk kuptohen dhe Elvi Berisha u rrëmben topin duke e dërguar në rrjete.

56’ GOOOL Partizani, shënon Stenio Zhunior me penallti.

52’ Driblim i Carës në zonë, lojtari i Partizanit rrëzohet pasi shmang dy lojtarë dhe të kuqtë kërkojnë penallti. Gjyqtari heziton fillimisht por më pas thirret në monitor nga salla e VAR-it. Pasi sheh pamjet, gjyqtari Florian Lata akordon penallti.

 

49’ Edhe pjesa e dytë sjell të njëjtën tablo, me Partizanin që zhvendos lojën menjëherë në gjysmëfushën e vendasve, të cilët i kanë besuar më shumë kundërsulmit në këtë sfidë si armë me të cilën të kërkojnë golin.

46’ Pjesa e dytë e ndeshjes nis me zëvendësim te Skënderbeu, pasi Memelli hedh në fushë Denis Douna, në vend të Vangjelit.

45’+3’ Mbyllet pjesa e parë në barazim pa gola.

45′ Jepen 3 minuta shtesë.

40’ Aksion i Kardoso nga e djathta, sulmuesi pason në qendër për Stenio Zhunior i cili gjuan në ecje e sipër në hyrje të zonës, por përsëri nuk gjen katërkëndorin e portës.

37’ Partizani nis një kundërsulm të shpejtë me dyshen Musta-Stenio Zhunior, ky i fundit provon të gjejë të papërgatitur Rexhepin nga rreth 30 metra por fluturon topin shumë lart mbi traversë.

32’ Goditje dënimi në të djathtë të sulmit për Skënderbeun, por korcarët nuk përfitojnë me harkimin që largohet nga mbrojtja mike, e cila nis një tjetër kundërzbritje.

26’ Mara gjen Mensah në mënyrë perfekte në zonë me një top të gjatë, por sulmuesi nuk koordinohet në momentin e gjuajtjes dhe sfera ndalet në krahët e Hoxhës.

23’ Top i gjatë në zonë për Zhunior, devijimi i sulmuesi përfundon direkt në duart e Rexhepit.

20’ Gjuajtja e Herald Markut nga distanca, sfera kalon jo shumë lart mbi traversë.

18’ Aksion nga e djathta për skuadrën e Partizanit, harkimi në zonë gjen Zhunior i cili pason te Cara, gjuajtja e këtij të fundit përfundon jashtë.

12’ Goditje dënimi e Mustës në kufirin e zonës nga krahu i majtë, harkimi i tij është perfekt, por e tillë është edhe ndërhyrja e portierit Rexhepi i cili largon rrezikun.

8’ Tre tentativa radhazi të futbollistëve të Partizanit me gjuajtje nga jashtë zonës, topi bllokohet në këmbët e mbrojtësve të Skënderbeut.

1’ Nis sfida me shkelmimin e topit nga qendra të ekipit vendas.

0’ Nis ndeshja në Korçë me minutën e heshtjes në nderim të Ylli Mihalit.

Related posts

RUSI 2018/ Khedira: Kam menduar seriozisht tërheqjen nga futbolli

Sadik.Autor

OFERTË E ÇMENDUR E INTER/ Conte i fiksuar pas Kante, josh Chelsea me dy lojtarë në këmbim

Delo.autor

KOMBËTARJA U-21/ Fantastik Selmani, “kuqezinjtë” gjejnë më në fund rrugën e rrjetës (VIDEO)

Delo.autor

Leave a Comment