Luka Jovic u transferua te Real Madridi në fillim të kësaj merkato për shifrën e 60 milionë euro, por ai mund të largohet nga madrilenët pas vetëm 2 muajsh.
Sulmuesi nuk e ka bindur trajnerin Zinedine Zidane dhe spanjollët janë të gatshëm ta largojnë atë, por vetëm në formën e huazimit për një sezon.
Në skenë janë skuadrat e Interit dhe Romës, të cilët janë në kërkim të një sulmuesi, por çdo gjë varet nga e ardhmja e Edin Dzekos.
Pavarësisht kësaj, akoma nuk dihet nëse të dyja skuadrat italiane, do të pranonin një huazim të thjeshtë të lojtarit.
Megjithatë, sipas asaj që shkruan “Marca”, 21-vjeçari nuk ka ndërmend të largohet nga “Santiago Bernabeu” dhe do të luftojë për të marrë një vend titullari.
