Karim Benzema do të përjetojë sonte një nga ndeshjet më të veçanta të karrierës së tij të gjatë sportive. Sulmuesi kthehet në Lyon, këtë herë i veshur me fanellën e kombëtares franceze, për të luajtur për herë të parë në stadiumin e ri të Olympique Lyon, “Parc OL”. Në një intervistë me “Le Progrès”, ylli i Real Madridit u pyet për një kthim të mundshëm në atë që ishte shtëpia e tij për shumë vite, në klubin që e rriti si futbollist.
“Unë kam një kontratë me Real Madridin. Ndihem mirë tani. Pas kësaj? Nuk e di, sepse mendoj nga viti në vit. Nëse ndihem mirë, do të vazhdoj në futboll. Nëse nuk ndihem mirë, do të ndaloj. Tani për tani do të kem një kontratë 2-vjeçare me Real Madridin”, – tha Benzema, i cili gjithashtu shtoi se është shumë i lumtur që do të luajë në “Parc OL” për herë të parë.
Ëndrra e Jean-Michel Aulas, presidentit të Lyon, vazhdon të jetë Karim Benzema, që ky i fundit të “pensionohet” me fanellën e skuadrës së tij. Presidenti i klubit historik francez, gjithashtu foli në “Le Progrès” për ish-lojtarin e “Les Gones”, të cilin e konsideroi si “djalë nga Lyon”, që shpreson ta shohë një ditë duke u kthyer në shtëpi.
Vizita e Karim në qytetin e tij shërbeu si një justifikim për të demonstruar edhe një herë nderimin që ata ndjejnë për të dhe, gjithashtu, për të verifikuar bashkëpunimin që ai ka me “9” e bardhë. “Mirësevini në shtëpi, Benzema!” – shkroi llogaria zyrtare e klubit të kryesuar nga Aulas në Twitter. Benzema u përgjigj:” Faleminderit Olympique Lyon, shihemi nesër!”
