Në Botërorin “Katar 2022” do të shkojnë 13 përfaqësuese nga Europa. Në kualifikueset zyrtare, direkt në Botëror kualifikohen vendet e para (10). Më tej, 10 vendet e dyta bashkohen me dy ekipet më të mira të Ligës së Kombeve dhe 12 skuadrat me 3 raunde kualifikuese do të çojnë vetëm 3 ekipe në Katar. Në total, nga Europa, 13 përfaqësuese do të marrin pjesë në Botërorin “Katar 2022”.
Shqipëria do të luajë për herë të parë një ndeshje me sistemin VAR. Jo vetëm kaq, por në këtë sfidë, kuqezinjtë do të kenë kundërshtarë edhe të paktën 30 mijë tifozë vendës. Deri në orën 16:00 të pasdites së djeshme, ky ka qenë numri zyrtar i deklaruar nga vendësit për praninë e spektatorëve që priten sot e ndërsa për ndeshjen që Polonia do të luajë ndaj Anglisë stadiumi do të jetë plot.
