Drejtori sportiv i Juventus-it, Federico Cherubini, ka pranuar se nuk kishte asnjë mundësi që të bindej Cristiano Ronaldo që të qëndronte në Torino.
CR7 u largua nga bardhezinjtë për t’u transferuar te Manchester United në ditët e fundit të merkatos së verës.
Cherubini ka pranuar se nuk kishte asnjë shans për t’i ndryshuar mendjen sulmuesit.
“Nuk kishte asnjë mundësi që ta mbanim. Pasi Cristiano na foli ashtu siç na foli, nuk mund të bëhej asgjë.
“Ai ka qenë shumë i qartë në shprehjen e dëshirës së tij. Nuk mund ta detyrosh një person që të qëndrojë kundër dëshirës”.
