Skënderbeu po bëhet gati për ndeshjen e radhës në kampionat ndaj Partizanit. Korçarët e shohin si ndeshje ku mund të shlyejnë gabimin e bërë ndaj Tiranës.
Në këtë takim delikat bardhekuqtë duhet të bëjnë pa Zguron, i cili është i pezulluar nga kartoni i kuq që mori ndaj bardhebluve. Përveç Zguros, trajneri Memelli i ka bërë llogaritë edhe pa Shalën, vazhdon të mos jetë pjesë integrale e ekipit.
Në kushte të tilla duket se ka filluar të mendojë për zgjidhjen e hapësirave në ekip. Në të majtë të mbrojtjes pritet të spostohet Vrapi, ndërsa Mensahu do të bashkohet me sulmin së bashku me Bismarkun.
Ky është plani i veprimit që po bën Memelli për ndeshjen e radhës.
