Një tjetër rekord për Simone Inzagin pas atij për nisjen më të mirë pas pauzës së kombëtareve. Trajneri zikaltër do të arrijë në kuotën e 200 ndeshjeve në Serinë A në ndeshjen ndaj Sampdorias, shifër e rëndësishme për një teknik të moshës së tij.
Që nga 1994-1995 kur hyri në fuqi rregulli i trepikëshit, vetëm Antonio Konte ka bërë me mirë se Inzagi me 136 fitore në kaq ndeshje, kurse aktualisht Simone është ndalur në 110 fitore në total.
Fakti që gëzon ambientin zikaltër është rendimenti i Inzagit me Interin ku ka fituar dy nga dy ndeshje të luajtura, duke qenë absolut në përqindje. Vetë trajneri synon që në ndeshjen e fundjavës të mbajë të palëvizur efikasitetin duke ecur në rrugën e fitoreve.
