Tri javë para fundit të sezonit të shkuar, Partizani mposhti 0- 1 Teutën në “Niko Dovana”. Nga ajo sfidë, vetëm 4 futbollistë kanë mbetur te Partizani: Alban Hoxha, Valentino Murataj, Esat Mala dhe Egzon Belica.
Madje, edhe Mala u largua fillimisht nga “demat”, për t’u rikthyer në huazim. Janë larguar emra të rëndësishëm si Bitri, Hakaj, Bardhi, Broja, Asani e Çinari, madje ky i fundit u dha fitoren 0-1 “demave” në Durrës me golin e tij.
