Mesfushori i Kombëtares, Lindon Selahi e ka bërë “sefte” në kampionatin kroat të futbollit, teksa ka gjetur golin e parë me fanellën e Rijekës.
Pas një aksioni model, në minutën e 46-të, shqiptari tundi rrjetën në përballjen ndaj Goricës së Albi Dokës, duke vendosur baraspeshën e përkohshme 2-2.
Si Selahi ashtu dhe Doka, u aktivizuan titullar në këtë përballje, ndërkohë që ish-mbrojtësi i Tiranës, shkaktoi penallti, në minutën e 57-të të sfidës, pasi preku topin me dorë.
