Teuta dhe Partizani do të ngrenë siparin e sezonit të ri në Kategorinë Superiore ditën e sotme në “Elbasan Arena”, në një sfidë ku vendosen përballë dy klube që luftuan deri në javën e fundit për titullin kampion edicionin e shkuar.
Një sfidë tepër interesante, ku spektakli duket i garantuar, duke pasur parasysh elementët cilësorë që këto dy skuadra kanë në përbërje.
Ndërkohë për sa i përket gjykimit, ndeshje e parë e sezonit të ri i është besuar Juxhin Xhajës, i cili do të ndihmohet nga dy asistentët Zalla dhe Shazivari, ndërkohë që në VAR do të jetë Kridens Meta. Asisten në sistemin VAR është Dojando Myftari.
