Çelsi është gjobitur me 25 mijë paund nga federata angleze e futbollit për shkak se nuk arriti të kontrollonte sjelljet e lojtarëve të saj në sfidën me Liverpulin.
Protagonist absolut u bë mbrojtësi i londinezëve Rese Xhejms i cili në minutën e fundit të pjesë së parë ndali një top me dorë në zonë duke u përjashtuar me karton të kuq.
I menjëhershëm ishte reagimi i futbollistëve të Çelsit të cilët iu vërsulen gjyqtarit me ankesa e pretendime, por nuk kishte kthim prapa.
Pasi janë rishikuar pamjet, komisioni i disiplinës ka ndëshkuar blutë e Londrës me 25 mijë paund për mos-menaxhim të mirë të situatës.
Megjithëse luajti për një pjesë me 10 lojtarë, Çelsi arriti të dalë me 1 pikë në fund të ndeshjes duke barazuar 1-1 me rivalët e Liverpulit.
