Liverpool shmang një eliminim jo të hijshëm në FA Cup, thyen Wolverhampton në ndeshjen e kthimit 1-0, në një kohë kur përballja e tyre e parë në raundin e 1/32 përfundoi në barazim 2-2.
Në një sfidë mes të barabartësh, me pak raste për shënim, ai që bëri diferencën ishte Elliott me një super gol në minutën e 13-të.
Kualifikimi i Liverpool gjeti hapësirë në faqet e para britanike, ku temë kryesore ishte dhe shitja e Man.United.
Dalja në skenë e Jim Ratcliffe, njeriut më të pasur në Britanike e Madhe ka shtuar interesimin për këtë negociatë.
“Gold Traford”, shkuan Mirror në faqen e parë. “I’m your man”, jam njeriu juaj, ishte titulli kryesor i Daily Expres. Ratcliffe shfaqi interesim të madh edhe për të blerë Chelsea, por në fund nuk ia arriti të blejë aksionet e klubit londinez. Jim Ratcliffe është aktualisht pronar i Nice.
