Mesfushori i Atalanta-s, Marten de Roon, është konfirmuar një personazh i vërtetë i rrjeteve sociale.
Futbollisti holandez ka qenë shpesh protagonist i disa batutave ose gjetjeve të publikuara në Instagram dhe Twitter.
Edhe këtë herë është shfaqur shumë mirë në rolin e aktorit.
Mesfushori i zikaltërve ka publikuar një video ku shfaqet në dyqanin e Atalanta-s në Bergamo në pritje për të dhuruar 3 fanella me autograf tifozëve.
Në video, ai shpjegon se çfarë duhet bërë për të marrë fanellat:
“Jam këtu në Atalanta Store në Bergamo, tre personave të parë që do të vijnë dhe do të blejnë fanellën e Marten De Roon, do t’u jap një autograf dhe do t’i paguaj unë. Uroj që të vini shpejt…”, kanë qenë fjalët e lojtarit.
Fatkeqësisht, më pas, në video shihet sesi lojtari pret më kot për disa orë që të vijë dikush. Në fakt, askush nuk ka hyrë në dyqan për të marrë fanellën e tij.
Një filmim ironik që holandezi ka dashur ta bëjë më argëtues duke shkruar: “Vë bast se Messi nuk do të ndodhej kurrë në një situatë të tillë”.
I bet Messi never has to deal with this. pic.twitter.com/W4uG6YPP1h
— Marten de Roon (@Dirono) September 23, 2021
