Donny van de Beek nuk arriti të tregonte veten te Manchester United. Mesfushori holandez ka luajtur kryesisht rolin e rezervës për pjesën më të madhe të sezonit të kaluar, por shpreson të krijojë më shumë hapësirë në atë aktual.
Marco van Basten u përpoq të shpjegojë për Ziggo Sport arsyet e këtyre vështirësive:
“Nuk ishte një zgjedhje e zgjuar të shkosh te Manchester. Nëse thua se ke folur me Real Madridin dhe më pas kalon te Manchester United, po vë bast shumë mbi veten, por Van de Beek nuk është aq i mirë.
Të jesh numri 10 i Ajax është shumë më e lehtë sesa të jesh numri 10 i Realit apo Manchester United. Në Holandë merr shumë ndihmë dhe ke mundësi, jashtë vendit nuk është si aty”.
