Gjatë merkatos së fundit, Barcelona është vënë në kërkim të një sulmuesi, pas lamtumirave të Lionel Messi dhe Antoine Griezmann.
Sport ka zbuluar një prapaskenë që ka patur lidhje me Ferran Torres.
E përditshmja katalanase ka shkruar se klubi blaugrana duket se ka bërë një tentativë për të marrë yllin e Manchester City-t, duke ofruar ta marrë lojtarin me formulën e huazimit dhe të drejtën e blerjes për një shumë të lartë.
Megjithatë, Pep Guardiola ka refuzuar: Ferran Torres ka një kontratë deri në vitin 2025 dhe është një nga lojtarët e preferuar të trajnerit spanjoll për të mbuluar rolin e 9 false.
