Tirana ka vendosur të huazojë talentin Andri Stafa tek ekipi i Burrelit që militon në Kategorinë e Parë dhe drejtohet nga një ish-futbollist bardheblu si Saimir Patushi.
Lajmi për huazimin e Stafës, është konfirmuar nga vetë kryeqytetasit nëpërmjet një postimi në faqen zyrtare në “Facebook”. Mesfushori do të jetë në shërbim të skuadrës matjane në sezonin e ri që do të fillojë më 11 shtator.
NJOFTIMI I KLUBIT:
Klubi i Futbollit Tirana njofton huazimin e lojtarit Andri Stafa tek ekipi i KS Burreli. Pas interesimit të klubit mbi lojtarin bardheblu, mesfushori do të jetë në shërbim të skuadrës së KS Burreli në sezonin e ri që pritet të fillojë. I urojmë suksese në këtë rrugëtim.
