Bajerni do të luajë sot ndaj Benfikës një ndeshje e cila do të vlejë shumë për sa i përket kualifikimit. Me 6 pikë në 2 ndeshjet e para, skuadra e Nagelsmanit është në rrugën e duhur për të mbyllur sa më shpejtë llogaritë për fazën tjetër. Në konferencën për shtyp, trajneri bavarez tha se portugezët janë një skuadër edhe më e fortë se Barça.
Sa e njihni Benfikën?
Mendoj që nuk është nevoja për një prezantim të tyrin. Benfika është një emër i madh në futbollin europian. Do të isha i kënaqur nëse skuadra ime do të tregonte të njëjtin nivel loje si ndaj Leverkusenit. Portugezët janë një ndër skuadrat më të forta në vendin e tyre dhe kjo na motivon mjaftueshëm për të hyrë në lojë me përqendrimin e duhur. Do të zbresim në fushën e lojës vetëm për tri pikët.
Dominimi në Bundesligë vazhdon, sa ndryshon Champions-i nga kampionati?
Tani jam në krahun tjetër, në vitet e kaluara kam qenë ndjekës i Bajernit. Ishte një punë shumë e vështirë, por kur shoh se si funksionojnë gjërat këtu mund të them që nuk më habit dominimi. Skuadra ka një mentalitet fitues dhe nuk ka rëndësi nëse luan në kupën e Gjermanisë, kampionat apo Champions.
Si është gjendja e Hernadezit?
Lukas është stërvitur mirë dhe është fokusuar te ndeshja edhe pse nuk është e lehtë. Jeta personale dhe ato çfarë ndodhin përreth saj na prekin të gjithëve. Shpresoj që gjërat të shkojnë sa më mirë për të dhe ai të jetë 100% i fokusuar te puna këtu.
Bajerni rikthehet te stadiumi ku dy vite më parë fitoi Champions-in, si ndihen djemtë?
Nuk kemi folur ende për të këtë gjë, por mendoj që është një moment i bukur. Ajo natë është ngulitur thellë në mendjen e të gjithëve dhe për këtë nuk kam asnjë dyshim. Tifozët e Benfikës janë të veçantë dhe mendoj për çdo skuadër që vjen të luajë këtu është një kënaqësi dhe një provë e vërtetë.
Si është gjendja e skuadrës?
Gorecka ka një ftohje dhe nuk është në gjendje për të luajtur, Fonsi ka probleme muskulore, më shumë një lodhje. Nuk ishte në 100% të formës së tij dhe për këtë arsye do të jetë jashtë. Pjesa tjetër e skuadrës është ok dhe mendoj gati për të luajtur një ndeshje të madhe.
Sa shanse ka Benfika t’ju mundë në ndeshjen e nesërme (sotme)?
Mendoj që ata nuk do të kenë frikë nga ne, ata na respektojnë pasi jemi një skuadër me kualitet, ashtu si dhe ne për ta. Në shtëpinë e tyre ata do të mundohen të gabojnë sa më pak, mendoj që kjo do t’i vërë ata nën presion.
