Juventusi shpërdoroi një mori me raste dhe në goditjen e parë në portë pësoi gol, duke lënë dy pikë shumë të rëndësishme me Beneventon.
Dhe tashmë këto barazime nisin të kushtojnë shumë shtrenjtë, aq më tepër ndaj skuadrave si Benevento: “Deri tani kemi lënë shumë pikë të rëndësishme ndaj skuadrave të vogla. Dhe në fund, barazime si këto të kushtojnë shumë shtrenjtë.
Nëse duam të fitojmë titullin duhet të heqim dorë nga të tilla paraqitje. Nuk po tregojmë rregull në fushë dhe kjo gjë duhet të fillojë të korrigjohet seriozisht. Ka ardhur ora që të shohim njëri-tjetrin në sy dhe të japim një përgjigje të fortë, të mërkurën në Champions”, tha mbrojtësi brazilian i Juves.
