Trajneri i Kombëtares shqiptare, Edoardo Reja, ka bërë publike ditën e djeshme listën me emrat e 25 lojtarëve që do të grumbullohen për dy ndeshjet e eliminatoreve të Botërorit “Katar 2022” ndaj Hungarisë dhe Polonisë. E para do të zhvillohet në “Puskas Arena”, më 9 tetor, ndërsa me polakët ekipi përfaqësues do të përballet në “Air Albania”, më 12 tetor.
Edhe pse me dy mesfushorët Laçi dhe Abrashi të dëmtuar, rikthimi i Taulant Xhakës nuk ka ndodhur. Kjo tregon se mesfushori i Bazelit i ka larë duart me Kombëtaren shqiptare pasi edhe me një mesfushë të zbuluar Xhaka nuk është grumbulluar.
