Në sfidën Tirana-Teuta, në minutën e 74-ët u regjistrua një episod mjaft i bukur në radhët e durrsakëve.
Sulmuesi Pepi Gjorgiev hyri në vend të Todorovskit, dhe meqë kishte ndryshim skeme, asistenti i Edi Martinit, Bledar Hodo i dorëzon sulmuesit maqedonas një letër në dorë për t’ia dhënë Aleksit.
Mesfushori pasi merr udhëzimet nga stafi, ua shpërndan ato shokëve duke u treguar dhe pozicionet e reja
Një moment mjaft interesant ky për kampionatin shqiptar, pasi më herët në kampionatet e huaja është bërë nga trajner të mëdhenj si Zhoze Murinjo apo Jurgen Klop.
