Juri Kanarsa nuk e priti mirë këtë eliminim. Trajneri priste më shumë nga Apolonia dhe hapur e quan zhgënjyes rezultatin përballë Flamurtarit. Sulmi vazhdon të shpërdorojë dhe kjo e shqetëson italianin.
“Prisja më shumë nga skuadra, pasi e kishim përgatitur me kujdes këtë ndeshje. Është rezultat zhgënjyes eliminimi nga Kupa e Shqipërisë. Futbollistët ende nuk janë në më të mirën e tyre.
Sulmuesit duhet t’i shfrytëzojnë më mirë rastet për gol, pasi çdo rast ka rëndësinë e tij. Ne do të analizojmë humbjen dhe eliminimin, paçka se për pak ditë luajmë në kampionat dhe kemi një transfertë të vështirë me Tomorin”, tha tekniku për gazetën.
