Të dielën, Zlatan Ibrahimovic festoi ditëlindjen e tij të 40-të. Pas fitores së Milanit kundër Atalantës, sulmuesi festoi këtë përvjetor të rëndësishëm së bashku me miqtë, kolegët dhe familjen në një klub në Milano.
Redaksia e programit të njohur televiziv “Le Iene” hyri në festën e Ibrës për të mbledhur disa nga deklaratat e tij si një 40-vjeçar i ri. Gazetari Fabio Corti rrëmbeu disa fjalë prej tij, të cilat do të shfaqen në transmetim këtë mbrëmje, në “Italia Uno”.
Këtu janë deklaratat e suedezit: “Si ndihem unë në të 40-at? Epo, ende ndihem i ri. Një vit tjetër ka kaluar, por mendoj vetëm për fushën, jam gati të kthehem më i fortë. Kisha disa probleme me muskujt, por asgjë e madhe, kështu funksionon futbolli. Kush e fiton Scudetto-n? Më falni, për cilin ekip luan Zlatan? Në Milano, atëherë Milani fiton”.
Si zakonisht, shumë i sigurt për veten dhe për çdo gjë, Ibranuk ka ndërmend të ndalet edhe në moshën 40 vjeç. Premtimi i bërë është që të kthehet në fushë sa më shpejt të jetë e mundur, ndoshta qysh kundër Veronës më 16 tetor. Dhe objektivi shpallet: t’i kthehet fitores me fanellën kuqezi për këtë sezon, me titullin si pikë mbërritjeje.