Kukësi ka mësuar kundërshtarin e ri të Champions League, por me sa duket mediet malteze nuk kanë shumë dijeni rreth aktualitetit të futbollit tonë. Pas hedhjes së shortit në Nyon të Zvicrës, në Maltë shkruajnë se ekipi i tyre, Valleta do ta luajë takimin e parë në stadiumin “Zeqir Ymeri” në Kukës.
Por, në fakt impianti i verilindorëve nuk plotëson më as kushtet për të luajtur një ndeshje të Superiores. Sipas “timesofmalta” takimi i parë do të luhet në stadiumin “Zeqir Ymeri”.
Megjithatë verilindorët janë dakortësuar me drejtuesit e “Loro Boriçit” që t’i luajnë takimet e Europës në impiantin shkodran. Kujtojmë që ndeshja e parë do të zhvillohej në datën 10 ose 11 korrik.
Përgatiti: AlpeNews.al
