Vitor da Silva Feijao shënoi golin e parë me fanellën e Kukësit në humbjen ndaj Teutës. Sulmuesi brazilian realizoi gjithashtu edhe kur rezultati ishte 2-3, por goli u anulua pasi aksioni kishte nisur në pozicion jashtë loje.
Gjatë festimit të golit të parë, ajo që ra në sy ishte fakti se Feijao festoi me shqiponjën, simbolin e Shqipërisë. “Jam shumë i lumtur për golin, por më tepër doja të ndihmoja skuadrën që të merrte pikë. E festova me simbolin e flamurit shqiptar, pasi e dua shumë këtë vend që nga dita e parë kur mbërrita këtu. Ndihem si në shtëpinë time, prandaj edhe ai festim shkoi për të gjithë tifozët kuksianë”, ka thënë dje braziliani për faqen zyrtare të klubit.