Mançester Junajtid nuk po kalon një moment aspak të mirë dhe këtë e tregojnë dhe rezultatet e mara kohët e fundit.
Së fundmi, mes polemikave është futur mesfushori Pol Pogba. Gazeta britanike ‘’The Sun’’ hapi artikullin e sotëm me akuza të forta në drejtim të mesfushorit. Sipas gazetës britanike, Pogba kishte folur me të gjithë shokët e ekipit pas humbjes me Liverpulin, por nuk kishte komunikim me trajnerin Solskjaer.
Gjithashtu gazeta shkruante se Pogba i kishte kërkuar agjentit të tij Mino Raiola të ndërpriste negociatat për rinovimin e kontratës. Por vetë mesfushori francez ka reaguar ndaj këtyre akuzave duke i cilësuar si ‘’lajm të rreme’’ dhe se ‘’emri i tij po përdoret për tituj gazetash’’.
‘’Gënjeshtra të mëdha për të krijuar tituj’’, shkruan Pogba duke nxitur reagime të shumta në rrjetet sociale. Mesfushorit i skadon kontrata vitin tjetër dhe drejtues të klubit po përpiqet që ta bindin për të rinovuar.
Big lies to make headlines pic.twitter.com/VBQiBxSuNO
— Paul Pogba (@paulpogba) October 27, 2021
