Sulmuesi i Kombëtares, Rei Manaj shkëlqeu këtë sezon me skuadrën e Barcelona B duke realizuar 12 gola gjatë gjithë sezonit.
Barcelona po rishikon mundësinë që ta transferojë diku tjetër Manajn, jo për ndonjë arsye të veçantë por për shkak të periudhës jo të mirë ekonomike që po kalon. Manaj u fol shumë për një rikthim në Itali, por një pistë e re ka dalë në pah për 24-vjeçarin.
Sipas gazetarit portugez, Pedro Sepulveda, Barcelona ka arritur marrëveshjen për huazimin e sulmuesit të Kombëtares drejt skuadrës portugeze të Famalisaos. Këta të fundit janë klub me emër në Portugali dhe militojnë në ligën kryesorë të futbollit vendas, çka do të ishte një lëvizje e bujshme për sulmuesin Manaj.
Për momentin këto janë vetëm zëra dhe pse gazetari portugez e ka bërë fakt të kryer arritjen e marrëveshjes e cila shumë shpejt mund të sjellë dhe një zyrtarizim.