Humbja kundër Sasuolos ka irrituar shumë trajnerin Masimiliano Alegri, i cili dje ka shtrydhur në fushë skuadrën.
Mes ulërimave dhe stërvitjeve, kuptohet qartë morali në shtëpinë bardhezi, por jo vetëm trajneri është i revoltuar për humbjen e parë historike ndaj Sasuolos në Torino.
Mes mjaft tifozëve ka nisur edhe një frymë skepticizmi, sipas së cilës rikthimi edhe pse me shumë bujë i “Kontit Maks” ka qenë i gabuar, sepse skuadra ka ndryshuar dhe ndoshta një largim i parakohshëm nuk do të ishte një çudi, kundrejt kontratës 4-vjeçare që ai firmosi.
Madje, nga dje kanë dalë në treg edhe kuota bastesh mbi shkarkimin e Alegrit këtë sezon, me largimin e livornezit që 7-fishon paratë e luajtura.
